طريقة تحضير مقروض في الكوشة طريقة سهلة و سريعة

طبق اليوم

طريقة تحضير مقروض في الكوشة طريقة سهلة و سريعة

·       المكونات:

كيلو فرينة شوية ملح 1 خميرة مرطبات 1 سكر فانيليا كاس سكر أو زيت حسب الرغبة تمر و فاكية للحشو( حسب رغبتك)

·       التحضير:

تنظفي التمر وترحيه وتفوحيه بالقرفة وشوش الورد وعود قرنفل وقشور البرتقال مع إضافة الزيت

تحمري الفاطية في الفرن ثم ترحيها خشينة ثم تعجني التمر مع الفاكية

تأخذي إناء تغربلي فيه الفارينة و تضيفيلها الخميرة و الفانيليا والملح

تصبي عليها الزيت أو الزبدة (باردة موش سخونة كيف مقروض السميد)

و نعجن المكونات مع بعضها حتى تتبسس ثمّ نضيف الماء الدافئ ونعجن حتى نتحصل على عجينة متماسكة نقسمها إلى كويرات ونغطيها و نخليها ترتاح مدة نصف ساعة.

في الأثناء نشكل التمر قي شكل أعواد بقطر 1صم

نأخذ كل كويرة على حده وتحلها بالقلقال على الطاولة حتى يصير سمك الورقة 1مم تقريبا تضع التمر على حافة الورقة و نبرمها 3 مرات ثم نفصلها عن بقية الورقة و نقصها في شكل مقروض و ندخلها للفرن مدة 10 دق ثم نغطسو في شحور خفيف ونرشها بالجلجلان