ما يقلون الأطفال عند نزول المطر
عادات و تقاليد تونسية
يا مطر يا خالتي ...
يا حسرة يا زمان. في زمان آخر, وقت الي كنٌا صغار, كنا وقت الي تصب المطر نفرحوا:
المطر ... تصب وعصيدة ...بالرب
يامطر.. صبي.. صبي صبي علي حوش
القبي
و القبي ماعنده عَشَىْ غير خبيزة بالترش
و القبي ماعنده عَشَىْ غير خبيزة بالترش
-------------------------
يامطر .. يا بشباشة صبي علي حوش
الباشا
و الباشا ماعنده شي غير خبيزة بالشَّشي
و الباشا ماعنده شي غير خبيزة بالشَّشي
-------------------------
يا مطر.. ياخالتي صبي علي قطايتي
قطايتي مدهونه بزيت الزيتونة
قطايتي مدهونه بزيت الزيتونة
يا مطر يا بيه صبي علي الطاقية
طاقيتي محطوطة فيها قرين وحوتة
طاقيتي محطوطة فيها قرين وحوتة
-------------------------
يا مطر يا غالية صبيلي على الخابية
فيها شحيمة غاوية نحطوها مع الحمص
الني
-------------------------
صبي , صبي ? الميزاب فوق الخلوة ?
الكتاب
بجاهك يا من زار وتاب وشرب من زمزم وروي
بجاهك يا من زار وتاب وشرب من زمزم وروي
صُبي , صُبي في عيدنا وزيتنا في
دقيقنا
الله يخلي سيدنا يعطينا ويزيد اشوي
الله يخلي سيدنا يعطينا ويزيد اشوي
يا مطر صُبي الوديان وخلي سوانينا
غدران
بين الكرمة ? الرمان وتحت نخيلات المَسِّي
بين الكرمة ? الرمان وتحت نخيلات المَسِّي
صُبي , صُبي فوق البير أملي
جْنَيِّنَا بالغدير
قصيعتنا نملوها شعير نرحوها نديروها اغدي
قصيعتنا نملوها شعير نرحوها نديروها اغدي
صبي , صُبي فوق الحيط وأملي
ماجـِنَّـا بالغيث
بالقردل نملى ? الخيط ونسقي بوي مع أمي
بالقردل نملى ? الخيط ونسقي بوي مع أمي
وفي مناطق أخرى تردد هذه الأغنية على النحو التالي:
يا مطر صُبي .. صُبي صُبي على حوش
القُبِي
و القُبي ما عنده شي غير حبيبة كسكسي
يا مطر يا بشباشة صُبي على حوش الباشا
و البــاشا ماعنده شي غير لقيمة في التبسي
نمشي ناكلها ونجي
و القُبي ما عنده شي غير حبيبة كسكسي
يا مطر يا بشباشة صُبي على حوش الباشا
و البــاشا ماعنده شي غير لقيمة في التبسي
نمشي ناكلها ونجي
Aucun commentaire:
Enregistrer un commentaire