ليه البنات بتغير منك، كل بنت حسب برجها

ليه البنات بتغير منك،  كل بنت حسب برجها

الحمل

البنات بتغير منك لأنك شخصية محبوبة من كل الناس، ده غير نظرتك التفاؤلية للحياة اللي بتخليكي قادرة تواجهي كل الظروف الصعبة وتعديها بسهولة.

الثور

البنات بتغير منك بسبب ثقتك الشديدة في نفسك وقدرتك على تحقيق أحلامك والوصول لأهدافك مهما واجهتي صعوبات ومشاكل.

الجوزاء

البنات بتغير منك بسبب شخصيتك القوية وثقتك العالية بنفسك، فضلاً عن كونك شخصية اجتماعية بتقدر تتعامل مع الشخصيات المختلفة بسهولة.

السرطان

البنات بتغير منك بسبب قدرتك الفائقة على العطاء اللي بتخلي كل الناس تحبك وتحب قربك، ده غير قلبك الطيب ومشاعرك النبيلة تجاه كل اللي حواليكي.

الاسد

البنات بتغير منك بسبب شخصيتك القوية وثقتك العالية بنفسك، ده غير اهتمامك الزايد بنفسك وحرصك طول الوقت على إنك تظهري بأجمل طلة وأشيك لبس.

العذراء

البنات بتغير منك بسبب ذكاءك وجمالك وجاذبيتك اللي بتخلي كل اللي يقرب منك يحبك، ده طبعاً غير نجاحك وطموحك وقدرتك على تحقيق ذاتك والوصول لأهدافك.

الميزان

البنات بتغير منك لأنك شخصية اجتماعية ومرحلة ومحبوبة من كل الناس، بتهتم بنفسها وبتحرص دايماً على انها تظهر بأجمل إطلالة، ده غير شخصية ناجحة جداً على الصعيد المهني.

العقرب

البنات بتغير منك بسبب جمالك وجاذبيتك، ده غير غموضك اللي بيخلي كل الناس عندها فضول تعرفك وتقرب منك عشان تكتشف شخصيتك.

القوس

البنات بتغير منك بسبب خفة دمك وروحك الحلوة اللي بتخليكي دايماً مصدر بهجة وسعادة في أي مكان تكوني فيه، ده طبعاً غير انطلاقك وحبك للمغامرات وقدرتك على كسر الروتين.

الجدى

البنات بتغير منك بسبب طموحك ورغبتك في النجاح وقدرتك على تحقيق احلامك والوصول لأهدافك مهما كلفك الأمر، فضلاً عن طلتك المختلفة والمميزة واحترامك لنفسك اللي بيفرض على الناس احترامك.

الدلو

البنات بتغير منك بسبب قدرتك الهائلة على فهم الشخصيات المختلفة وتحليل المواقف، فضلاً عن تفاؤلك ونظرتك الإيجابية للحياة اللي دايماً بتتنقل لأي حد يقرب منك.

الحوت

البنات بتغير منك بسبب قدرتك على الانعزال عن الواقع وتجاهل المشاكل والعيش في عالمك الخاص بعيد عن كل الهم والغم والقرف اللي حواليكي.