أعلان الهيدر

الرئيسية شجر الدر في الفولكلور المصري

شجر الدر في الفولكلور المصري


شجر الدر في الفولكلور المصري
شجر الدر في الفولكلور المصري
شجر الدر في الفولكلور إسمها شجرة الدر (إسمها الشعبي) .
 و هي شخصيه من شخصيات سيرة الظاهر بيبرس. السيره الشعبيه دي اللي كات بتتحكي على القهاوي في مصر لغاية بدايات القرن العشرين بتبين مدى حب المصريين للسلطان الظاهر بيبرس و شجرة الدر. 
و بتحكي السيره اللي معظمها خيال إن فاطمه شجرة الدر كات بنت خليفه إسمه المقتدر كان بيحكم في بغداد لغاية ما المغول هجموا على مملكته و دمروها. وإن اسمها شجرة الدر سببه إن أبوها اللي كان بيحبها جداً أهداها فستان معمول من اللولي ( الدر ) فلما لبسته بقت زي ما تكون شجرة در. ولما طلبت منه انه يعملها ملكه على مصر إداها تقليد بحكم مصر. 
فلما راحت على مصر لقت الصالح أيوب بيحكمها فأتجوزها عشان يفضل في الحكم معاها. ولما جه بيبرس مصر و دخل القلعه حبته زي إبنها. أيبك التركماني طالع في السيرة راجل شرير من الموصل جه مصر عشان ينزع حكمها من شجرة الدر و جوزها الصالح. 
بعد الصالح ما اتوفى اتجوزت أيبك لكن الصالح أيوب جالها في المنام و أمرها بإنها تقتله. فلما قامت من النوم جابت السيف و قتلته.
و لما دخل ابنه على القوده ولقاها قتلته خافت و جريت فجري وراها لغاية ما وقعت من القلعه و ماتت.
عملات شجر الدر
أسماء و ألقاب شجر الدر اتنقشت على عملاتها كده : " المستعصمة الصالحية ملكة المسلمين والدة الملك المنصور خليل أمير المؤمنين ". و اتنقش على ضهر العملات اسم الخليفه العباسي : " عبد الله بن المستنصر بالله "

Aucun commentaire:

Publier un commentaire

Fourni par Blogger.