معني الأبراج الحقيقي

معني الأبراج الحقيقي

 يرج الحمل

بتعرف شو يعني حمل .. يعني الشخص الواثق من حالو طول الوقت ومستحيل يبين ضعيف أو متردد متل السهم يلي عم ينطلق نحو الهدف .. هاد البرج بفوت بأصعب المواقف وبيطلع منها بطريقة غريبة .. وبالحب يلي بدو يعيش حب مثير ممتع بعيد عن جو الروتين يحب حدا من برج الحمل ..

يرج الثور

بتعرف شو يعني ثور .. يعني الشخص يلي بيفرض احترامو على الكل ومابيقبل بالاهانة ابدا .. حدا محب بس طبعا للشخض يلي بيستاهل هاد الحب وبدافع عن شريك حياتو وبيحميه بكل قوتو ..

يرج الجوزاء

بتعرف شو يعني جوزاء .. يعني الشخص المنفتح يلي بيتقبل كل شي وبيفهمك على الطاير الشخص الذكي يلي فيك تناقشو بكل شي .. وبيعترف بالخطأ .. الحلو فيه انو قلبو ابيض بالحب بالرغم من التقلبات بتصرفاتو وفيك تراضيه بسهولة ..

يرج السرطان

بتعرف شو يعني سرطان .. الشخص الحساس الرومنسي يلي بيعطينا الحب متل ما حدا بيعطينا ياه .. هو يلي بحب يعيش كل شي للآخر وبفضل يحصل على كامل الحب بعلاقتو ..

يرج الأسد

بتعرف شو يعني أسد .. هو الشخص يلي بخلينا ننجذب الو للصفات يلي بيتميز فيها وبراعتو بجمع الناس والمحبة يلي بيتمتع فيها .. الشخص المختلف ويلي بعيشنا تجربة رائعة حافلة بالفرح معو ..

يرج العذراء

بتعرف شو يعني عذراء .. يعني الشخص يلي بعلمنا كيف نعيش كيف نترك عواطفنا لنقدر نكمل وكيف نحب ونعطي من قلبنا .. الشخص يلي دايما منتمناه ليكون الشريك المثالي لحياتنا ..

يرج الميزان

بتعرف شو يعني ميزان .. هو السند الحب الأمان الشخص يلي بوجهلنا النصائح وقت نوقع بمشكلة يلي منبكي على كتفو ويلي بساعدنا وبيوقف جنبنا بكل حب وانسانية ..

يرج العقرب

بتعرف شو يعني العقرب .. هو الشخص الغامض يلي بيحمل خلف الغموض شخصية طيبة مليانة حب وطيبة اذا عرفنا نتعامل معه وكسبنا ثقتو وحبو .. رح تشعر بحماية العقرب وتحس بالأمان لما يحبك ..

يرج القوس

بتعرف شو يعني قوس .. يعني الشخص يلي بعلمنا نعيش بلا ما نفكر بشي نطلع من جو الترتيب الممل ونعيش بطبيعتنا بعشوائيتنا .. نكون متل ما نحنا بدو ما نحكي على العالم ونكون مصطنعين .

يرج الجدي

بتعرف شو يعني جدي .. هو الشخص يلي منقدر وقت تعبنا نطلب مساعدتو الشخص الناجح بكل معنى الكلمة .. الشخص يلي فيك تقعد معو ساعات وتتعلم منو ويلي بيعرف يوجه تفكيرك متل مابدو ..

يرج الدلو

بتعرف شو يعني الدلو .. برج متصالح مع حالو بعكس ما كتار بشوفوه معقد وغريب .. هو بالعكس بيعمل كل شي على عين الناس ومابخاف متل غيرو ومضحي بيتحمل الوجع هو على انو يتحملو حدا بحبو ..

يرج الحوت

بتعرف شو يعني الحوت .. الحوت يعني ايدك اليمين يلي بتعتمد عليها ويلي بقدم مل شي الك بدون اي مقابل .. هو الشخص الرومنسي يلي بشاركنا عالمو الخاص وبيعطينا كل شي اذا طلبنا منو ..